ઉજાણી
એક હતો પતિ ને એક હતી પત્ની
બેઉ હતા એકબીજાના રાજા-રાણી!
પતિને લાગ્યું કે, પત્ની છે સમજણી
પત્નીને લાગ્યું પતિને છે સમજ ઘણી.
બેઉ વિચારે ચડ્યા, કોણ ઉચ્ચારે વાણી?
રાહમાં રેડાઈ ગયું પથ્થર પર પાણી!
મૌન આ સંબંધ કેમ ટકે, તાણી તાણી?
ગુમાવી બંને એ આ જીવન કેરી કમાણી.
એક દિન બેઉને ખુદની ભૂલ સમજાણી.
નજરો મળી ને થઈ ચાર આંખ પાણી પાણી!
બેઉની 'પ્રીત' હવે એકમેકમાં સમાણી,
બેઉને મન હવે જીવન કેરી ઉજાણી!!
