તુજ વિનાની એ પળો
ઉભી ઉભી ઓટલે જોઉં હું વાટડી,
વ્હાલા વાલમની હજુય ન દેખાય ઝાંખી,
થાકી છતાંય મનમાં વેગીલો પ્રવાહ,
પ્રણય કેરો એ હરખીલો તું વેગવાન,
પૂછે આવી આજ મુજને તોય વ્હાલથી,
તુજ વિનાના એ પળોને રાખી મે અળગી!
રૂઠેલી એ આખલડી તોય હું ઠાવકી,
ઈણ વિના જાણે રહેવાની ધરપત ન થાતી,
રૂઠ્યો એ મનનો અવાજ છતાં ધારદાર,
એમ થોડો છોડું એને કોરે જ મિજાજ,
એક તસતસતુ આપ્યું ચુંબન તોય વ્હાલથી,
તુજ વિનાના એ પળોને રાખી મે અળગી!
આંગણ સજાવીને થાકી છતાં હું રાજી,
મારો વાલમ એમ થોડો છે રાહનો પ્રવાસી,
હું કહુને એ માને એટલો તો ભારે કિરદાર,
સ્વપ્ન જોવું હુંને કંપે એ એવું છે જોડાણ,
સર્જ્યો મિલાપ પ્રેમનો તોય ઘણાં વ્હાલથી,
તુજ વિનાના એ પળોને રાખી મે અળગી!