સુગંધની ચાહત
શબ્દોની આજે મને કિંમત લાગે,
તુજ વિનાની ક્ષણો નકામી લાગે,
હર સુગંધની ચાહત જાણીતી લાગે,
સમજાતું નથી આજે દિલને કેમેય કે
બધીય મોસમ જાણે પોતીકી જ લાગે!
પ્રેમ શબ્દ જ સુંવાળી કેડી લાગે,
કંટક ભલે ઠેરઠેર પણ વ્હાલપ લાગે,
અજીબી ચાહત થઈ જિંદગી સાથે,
અચાનક બદલાયું બધું આજે કેમેય કે,
બધીય મોસમ જાણે પોતીકી જ લાગે!
અધિકાર મળ્યો ચાહીશ હવે તને,
બાથ ભરીને પ્રેમધોધ વરસાવીશ હવે,
ચહેરાની લાલી અલગ જ દેખાય હવે,
તારાં સ્પંદનો સ્પર્શે તોય મને કેમેય કે,
બધીય મોસમ જાણે પોતીકી જ લાગે!
