ભીની યાદ..!
ભીનાં પાલવની કોરે બાંધેલી
એ અનાડી ગાંઠમાંથી,
છલકતી તારી એ મમતા
મા બહુ યાદ આવે છે.
ભીની મૂંગી આંખે અટકેલાં
એ નાદાન અશ્રુઓમાંથી,
બોલતું પ્યારું એ ભોળપણ
મા બહુ યાદ આવે છે.
ભીનાં નાજુક સ્મિતથી સરકતાં
એ ચંચળ હાસ્યમાંથી,
ભીંજાતું એ બચપણ
મા બહુ યાદ આવે છે.
ભીનાં ગુસ્સામાં દબાયેલાં
એ મૃદુ અવાજમાંથી,
પલપતો તારો એ સ્નેહ
મા બહુ યાદ આવે છે.
ભીની અંતિમ પળ વિદાયની
ને એ દબાતાં ડૂસકામાંથી,
છૂટો પડતો તારો એ હાથ
સાચ્ચે મા, બહુ જ યાદ આવે છે.
