ફના થઈ ગઈ દુનિયા..
તલવારોના ઘા ઝીંકાયા; ફના થઈ ગઈ દુનિયા,
સીમાવર્તી ઝઘડાઓમાં અસંખ્યો દરમાયા.
સત્ત્વ ગુણોનો નાશ થયો; તમસ ગુણ પડઘાયો,
તોપ ગોળાના પ્રચંડ ધ્વંસથી ક્યાંય રહ્યો ના ઓછાયો.
માનવ માનવને ભરખ્યો; ભૂખ્યાં વરુઓ હરખ્યાં,
સરમુખત્યારોના સ્વાર્થીલા નશામાં મૃત્યુશરણ થઈ તડપ્યાં.
કૃપાહીન થયો નૃપ; તરસી થઈ ગઈ ધરા,
અત્યાચારોના મેદમાં બધે છવાઈ ગયા અળવીતરા.
રહેવા દે! રહેવા દે! આ કત્લેઆમ રહેવા દે!
પ્રકૃતિ રુઠશે ત્યારે તું પણ ઠરી જઈશ-રહેવા દે!!
- તા. ૧૦/૦૫/૨૦૨૨
- પરથીભાઈ ચૌધરી,"રાજ"
