ફર્ક પડે છે!
બહુ સમજાવ્યું , છતાંય ન સમજ્યાનો ખેદ છે.
મૂંઝવણ ભર્યો પ્રેમ અને વ્હાલ વચ્ચેનો ભેદ છે.
સાંભળ્યું છે કે એક પાતળી રેખા જેટલો જ એ,
છતાં નથી સમજાતો અટપટો જાણે કોઈ વેદ છે!
અણસમજ પર સમજણ આપતો તારો વ્હાલ,
છે ગમતીલો , તું અને તારો નિર્લિપ્ત વ્હાલ.
વહેતા પ્રવાહમાં વહેવાની ફરજિયાત શરત જેવો,
અવિધિસરનો વિધિસર સંબંધ છે તારો વ્હાલ.
સમજાય એટલું કે તારા હોવાથી ફર્ક પડે છે,
એથીય વધુ તારા ન હોવાથી ફર્ક પડે છે,
બસ કહેવું એટલું જ છે કે... ફર્ક પડે છે.
છાયા ચૌહાણ
