ફાગણની બબાલ
ફાગણની બબાલ
છોરી:
મારાં કમખામાં કેસૂડો કેવો ખીલ્યો સખી,
કોયલ-ટહુકારે વસંત જોને મહોર્યો, સખી!
કોને કહું દગાબાજ હૈયાની છૂપી વાતલડી,
અંગેઅંગમાં ગુલાબી ગુલાલ ફિટ્યો, સખી!
છોરો:
આ સૂરજનો તાપ મીઠો લાગે, સખા,
એના નયણાંના તીર દિલે વાગે, સખા!
અલપ-ઝલપ દિદાર એના મુખનો થતાં,
ઉર-ક્યારીએ મીઠું શમણું ઉગે, સખા!
છોરી:
આ ગગને ગુલાલ કોણે ફેંક્યો, સખી?
કોણે બંસીમાં પ્રેમ-રાગ છેડ્યો સખી?
મારા ધબકારે કર-કંકણ ખનકી ઉઠ્યાં,
કેમ મનમાં મારે મોરલિયો ગહેક્યો, સખી!
છોરો:
બેદર્દી પ્રિયા કેમ તડપાવે, સખા,
એના દર્શનની તરસ હર પળ સતાવે, સખા!
કર મિલનનો કોઈ ઉપાય, સખા,
પ્યાલા વિરહ-વિષના મને ન પીવડાવે, સખા!
~~~~~~~~~~~~~~~~
કર્યો ઊભો મિલનનો મધુર મોકો સખીએ
ને સાથ દીધો સસ્મિત મારી ચોગ્ગો સખાએ.
વગર રંગે ભીંજાઈ ગયાં કોરાં હૈયાં બે આજ!
આહા! યુગલ એકના બે થયાં ચોંકો નહીં આજ!
આ તો ફાગણની થઈ ગઈ કમાલ!
ચાર-ચાર હૈયે મચાવી દીધી ધમાલ!
મિત્રોને મેળવતાં ક્યારે હૈયે મચી બબાલ!
'નૂતન' યુગલ સર્જાયું આ તો ફાગણની બબાલ!
:- નૂતન તુષાર કોઠારી 'નીલ'
- વાપી
તા.: ૧૦/૦૩/૨૦૨૦