પ્રકરણ - (1) રૉબોટ
રૉબોટ
(બાળકાવ્ય)
- હરિ પટેલ
રૉબોટ મારો ચાલે,
રિમોટના તાલે તાલે.
બે’ની મારાં હસતાં જાય,
રૉબોટ બંદા કૂદકા ખાય.
દોસ્તારોની ટોળી થાય,
રૉબોટ મારો ફૂદરડી ખાય.
શેરી રસ્તે ભમતો જાય,
ફળિયાને એ ગમતો જાય !
ખાતો નથી, પીતો નથી,
રૉબોટ કદી થાકતો નથી.
હરતો રહે, ફરતો રહે,
શેરી-ઘર ગજવતો રહે.
દોસ્તારો થાય રાજી રાજી !
પાડે તાલી ગાજી ગાજી !
***
© Hari Patel
58, Balaji Green Garden City,
Talod, Sabarkantha -383215
Mo. 9998237934
