તારી પાંપણ માં
*** શોપિ વર્ષોત્સવ કાવ્ય સ્પર્ધા ***
*** તારી પાંપણમાં ! ***
વાંછટ ના ફોરાં એવા મને અડતા જાણે,
તારી પાંપણમાં રોજ મારુ ફરકી જવું !
ભીંજવતો હૈયાં ને એવા છંછેડતો જાણે,
તારી પાંપણમાં રોજ મારુ ફરકી જવું !
મેઘધનુષી રંગે રમાડી રંગ એવા કરતો જાણે
તારી પાંપણમાં રોજ મારુ ફરકી જવું !
માટીની ફોરમ શ્વાસે એવી અડકાવતો જાણે
તારી પાંપણમાં રોજ મારુ ફરકી જવું !
ગજૅના કરીને મનડાં ડોલાવે એવા જાણે
તારી પાંપણમાં રોજ મારુ ફરકી જવું !
વગડો મ્હોરી મોરલો કળા કરે એવી જાણે
તારી પાંપણમાં રોજ મારુ ફરકી જવું !
નખરાળો મેહુલીયો નખરાં કરે એવા જાણે
તારી પાંપણમાં રોજ મારુ ફરકી જવું !
:. વિજય વડનાથાણી...
