તમે યાદ આવ્યા
એક બાળક મરક્યુંને કાન યાદ આવ્યા;
જાણે ઘર ઘર છે ગોકુળિયુ ગામ
મારા શ્યામ,
માનું માતૃત્વ ખીલ્યું ને જશોદા યાદ આવ્યા;
મારું આંગણું બન્યું નંદાલય મારા શ્યામ;
આંબે કોયલ ટહુકી ને કૃષ્ણ યાદ આવ્યા;
જાણે કુંજ ભવન પધાર્યા મારા શ્યામ ;
મનની મંજરી મહોરી ને માધવ યાદ આવ્યા;
જાણે દિલ ને દ્વારે બંધાયા તોરણ મારા શ્યામ ,
મન મોરલો ગહેક્યો ને ગોવિંદ યાદ આવ્યા;
જાણે હૈયું છલકયું ચારેકોર મારા શ્યામ,
આભે ચાંદલો ચમક્યો ને રાસેશ્વર યાદ આવ્યા
જાણે વાંસળીના સૂરે ચાંદની રેલાઈ મારા શ્યામ
