‘चहाची वाफ’ या कथेचा सारांश:
ही कथा एका साध्या पण जिव्हाळ्याच्या कट्ट्यावरून सुरू होते, जिथं चहा केवळ एक पेय नसून संवाद, विचार आणि बदलाची प्रेरणा बनतो. कथा मुख्यत्वे स्नेहा, शुभम, विजया आणि 'राजा काका' या चार पात्रांच्या भोवती फिरते.
राजा काका, एक अनुभवी आणि विचारशील चहावाला, कट्ट्यावर येणाऱ्या तरुणांशी संवाद साधतो, त्यांना जीवनाकडे बघण्याची नवी दृष्टी देतो. तो चहा उकळत उकळत विचारांची वाफही पेरतो.
स्नेहा आणि तिचे मित्र या कट्ट्यावर विचारांची देवाणघेवाण करतात, कविता, अनुभव आणि प्रश्न मांडतात.
एक दिवस राजा काका अचानक काळाच्या पडद्याआड जातो, पण मागे त्याची वही, विचारांची ठेवा आणि त्या वाफेत मिसळलेला सुगंध उरतो. त्याच्या स्मृतीला जपण्यासाठी स्नेहा, शुभम आणि विजया ‘विचार कट्टा’ सुरू करतात – जिथे चहा मोफत आणि संवाद अमूल्य असतो.
ही कथा चहाच्या माध्यमातून सामाजिक संवाद, पिढ्यांमधील पुल, आणि वैयक्तिक परिवर्तन यांचं सुंदर चित्रण करते. वाफ संपली तरी सुगंध उरत असतो, हेच या कथेमधील मूलभूत तत्त्व आहे.
प्रांजली काळबेंडे
