લાગણીના લીલાછમ સબંધોની કથા એટલે તારી 'હથેળીમાં મારું નામ'
ગ્રામીણ પરિવેશ, ઉતર ગુજરાતની તળપદી ભાષા, પ્રથમ પુરુષ એકવચનમાં સમગ્ર કથા વિસ્તાર 14 પ્રકરણોમાં આલેખાયો છે. એક એક પ્રકરણમાં આવતી ઘટનાઓ વાચકને જકડી રાખે છે. પોતાના ખૂબ જ પરિચિત અને આસપાસના જગત ઉપર સર્જન કરવું સર્જક માટે વધુ સમુચિત ગણાય. લેખકે પોતાના આસપાસના વાતાવરણને ખૂબ રસપ્રદ રીતે ખડું કર્યું છે. લેખક માત્ર પાત્રોની સામાજિક કે કૌટુંબિક સમસ્યાઓમાં રસ ધરાવે છે એવું નથી. તેઓ વાચકને પાત્રોના મનોજગતની ભીતર લઈ જાય છે.