मी वैभव कुलकर्णी
कवितेची अत्यंत आवड
जीवनाचा आस्वाद शब्दरूपी घेतो
बाकी अगदी सर्वसामान्य व्यक्ती
Book Summary
आज म्हणलं माती व्हावं
कुंभाराच्या पोटासाठी त्याला एक मडकं द्यावं
कधीतरी कोणासाठी मातीचं एक घरटं द्यावं
... आज म्हणलं माती व्हावं
कोंब कोंब पिकांची गं मायाळू मी माय व्हावं
पेरलेल्या दाण्याचं मी पोटात थोडं पाय घ्यावं
... आज म्हणलं माती व्हावं
मूर्ती बनून कुणासाठी कधीतरी देव व्हावं
राम ,कृष्ण,विठ्ठल कधी रुक्मणीचे नाव घ्यावं
... आज म्हणलं माती व्हावं
मूर्ती बनून विठ्ठलाची पंढरपूरी दूर जावं
माझे नाव जपता जपता दुःख कसे दूर व्हावं
... आज म्हणलं माती व्हावं.
फक्त देणे, देणे देऊन दुसऱ्यासाठी ऋण व्हावं
कधी पाऊस वारा तर कधीतरी ऊन व्हावं
... आज म्हणलं माती व्हावं.
वैभव कुलकर्णी
