निसर्ग हा एक खास रंगारी आहे. तो निर्मिती कार्यात भरपूर रंग भरतो. त्याची तुलना कशाशीच होऊ शकत नाही.जमिनीपासून आकाशापर्यंत कितीतरी रंगांची रेलचेल नुसती!माती,वाळू,दगड,पाण्याला सुध्दा किती तऱ्हेच्या रंगछटा असतात.पृथ्वीवर डोंगर,जंगले,शेती,फळझाडे, फुलझाडे,वेली,गवत, पाने,पालवी, मंजिऱ्या,सारा रंगीत पसारा! प्रेक्षणीय हिरवाईमध्ये हिरव्या रंगाच्या कितीतरी शेड्स असतात. आणि फुले....?फुलांचे तर काही बोलायलाच नको. जगातला एकही रंग, रंगाची शेड फुलांमध्ये नाही असे होऊ शकत नाही केवढी ही प्रचंड विविधता! वसुंधरेला अलंकृत करणारी!