ही लघु कादंबरी आहे इन्स्पेक्टर निनाद भाटे आणि त्याची धर्मपत्नी प्राची यांची...! परंतु कादंबरीचा खरा नायक मृत सुबोध मोहिते आहे.
ही कादंबरी वाचत असताना वाचकांची उत्सुकता कायम ठेवण्यामध्ये राजश्री भावार्थी यशस्वी झालेल्या आहेत. लेखिकेची भाषेवर असलेली पकड कादंबरीच्या प्रत्येक पानावर हमखास जाणवते. एका आत्महत्येचे रहस्य हॅलो इन्स्पेक्टर कादंबरी मध्ये उकलण्यात लेखिका वाचकांना एका वेगळ्याच गुढ विश्वात घेऊन जातात आणि तितक्याच ताकतीने परत एकदा वैश्विक सत्यात घेऊन येतात. लेखिका लिहितात आयुष्य म्हणजे एक रंगभूमी ! एक अनुभव , प्रयोग, अपेक्षा यांचे समीकरण! जीवनाचे हे सत्य लेखिकेने या कादंबरीत अत्यंत खुबीने वाचकांसमोर मांडले आहे