3.World record of India,Earth Record Holder
Brand Ambassador,Editor Desh Pardesh USA NJ.
CEO@RIEVA
Book Summary
ગરવી ગુજરાતના ગૌરવ સમા સ્થાપત્ય વિશે ગુજરાત દિનની ઉજવણી નિમિત્તે આયોજિત લેખનકાર્ય દ્વારા સંકલિત લેખો અને કાવ્યોનું આ પુસ્તક, જેને ગુજરાતના યશસ્વી મુખ્યમંત્રી આદરણીય શ્રી ભુપેન્દ્રભાઈ પટેલ અને યુવા રાજ્ય ગૃહમંત્રી શ્રી હર્ષભાઈ સંઘવીના આશીર્વાદ અને અભિનંદન પ્રાપ્ત થયેલા છે, એને ખૂબ ગર્વ અને ધન્યતા સાથે આપ સમક્ષ રજૂ કરતા હર્ષ અને આનંદની લાગણીઓ અનુભવું છું. ગુજરાત દિનની આ રીતે અનોખી યાદગાર ઉજવણી કરવા બદલ હું મારા લેખક અને કવિ મિત્રોની ઋણી છું. ગરવી ગુજરાતની ગરિમા સમા અનેક સ્થાપત્ય વિશે મારા લેખક મિત્રોએ માહિતીનું સંકલન કરી પોતાના શબ્દોમાં ખૂબ સરસ લખ્યું છે.
એ સાથે આ પુસ્તકમાં છે ગરવી ગુજરાતના ગૌરવ સમા નવસર્જિત કાવ્યો જે ગુજરાત દિનની ઉજવણી નિમિત્તે કવિ મિત્રો દ્વારા માત્ર છ કલાકના ટૂંકા સમયમાં લખાયેલા છે. આ કાર્ય માતૃભાષા, માતૃભૂમિ પરના પ્રેમ, આદર અને ઝનૂન વગર અશક્ય છે. આવા કવિ મિત્રોને હું ખૂબ અભિનંદન આપું છું. આ તમામ કાર્યનો શ્રેય મારા સાથી એડમીન મિત્રોને આપું છું. કલ્પેશ સોલંકી, સપના શાહ, દિગ્વિજયસિંહ સોઢા, રાજેશ વ્યાસ, જે. એન. પટેલ, જેઓએ દરેક કાર્ય માટે કાયમ સહકાર આપ્યો છે. પોતાનો અમૂલ્ય સમય આપી પ્રુફ રીડિંગ કરનાર રંજના સોલંકી અને તમામ લેખનનું PDF સ્વરૂપ આપી તૈયાર કરવા માટે પુષ્પક ગોસ્વામીનો હું વિશેષ આભાર માનું છું. આવા ટીમ વર્કને કારણે પંદર જ દિવસના ટૂંકા સમયમાં આ પુસ્તક પ્રસિદ્ધ કરી શકી છું. હૃદયથી આદર ભાવ સાથે જેમના આશીર્વાદ અને અભિનંદન પત્રો થકી આ પુસ્તક મૂલ્યવાન બન્યું એવા રાજ્ય મુખ્યમંત્રી શ્રી ભુપેન્દ્ર ભાઈ પટેલ અને યુવા ગૃહ રાજ્યમંત્રી શ્રી હર્ષભાઈ સંઘવીનો પણ આભાર વ્યક્ત કરું છું. અંતમાં, જેમના વગર આ પુસ્તક શક્ય બન્યું ના હોત એવા, લાંબા સમયથી મારી સાથે નવ સર્જન સાહિત્ય મંચમાં જોડાયેલાં લેખક અને કવિ મિત્રોનો હૃદયથી આભાર વ્યક્ત કરી વિરમું છું. જય ગરવી ગુજરાત - ઈવા પટેલ