महाराष्ट्रातील फलौषधीं हे या पुस्तकाचे शीर्षकच वेगळे आहे. एकदा मी मित्राबरोबर गप्पा मारत होतो. शेजारीच फळांचा स्टॉल होता. तेथून त्यांने डाळिंबे घेतली. मी सहजच विचारले की तुला डाळिंबाच्या विषयी काय माहिती आहे? तो म्हणाला ही खायला खूप छान व शरीराला पौष्टिक असतात. बाकी मला कांही माहित नाही. या विषयावर लोकांचे प्रबोधन करावे यासाठी हे पुस्तक लिहिले आहे. यामागे माझा वनस्पती शास्त्रातला तीस वर्षाचा अनुभव आहे. सामान्य माणसाला रोजच्या जीवनातील फळांविषयी फारच कमी माहिती असते. या पुस्तकात आवळा, डाळिंब, पेरू, जांभूळ इत्यादी दहा फळाची माहिती आहे. त्यात त्या फळांचे गुणधर्म, लागवड, कोठे पिकते, जमीन कोणत्या प्रकारची लागते, त्याची रासायनिक संरचना , औषधी गुणधर्म व उपयोग यांच्या विषयी सखोल माहिती दिली आहे. ती वाचकांना आवडेल अशी आशा आहे. या फळांची ही माझी लेखमाला मराठीसृष्टी.कॉम वर वेळोवेळी प्रसिद्ध झाली आहे. वाचकांच्या सोयीकरता सर्व लेख एकत्र करून ते पुस्तक रूपात प्रसिद्ध करत आहोत. वाचक याचे स्वागत करतील अशी आशा आहे.