श्री धनंजय जोग, एक बहुआयामी व्यक्तिमत्त्व... त्यांच्या अनेकपेडी
जीवनात गाणी गाणं आणि काव्यरचना करणं यांना एक आगळं स्थान आहे.
शब्दांची आवड किंवा शब्दांचं वेड असेल तर व्यक्त झाल्यावाचून राहवत
नाही. मग ते गद्य स्वरूपात असो वा पद्य स्वरूपात असो.
तरंग हा त्यांचा कविता संग्रह म्हणजे त्यांच्या निरीक्षण शक्तीचं,
वर्णन शैलीचं आणि भाषा प्रभुत्वाचं सुरेख उदाहरण आहे. मनातून उठणारे
असंख्य तरंग यातील कवितांतून आपल्याला दिसतात. या कविता सर्वस्पर्शी आहेत.