આ મારો પાંચમો વાર્તા સંગ્રહ છે. પ્રસ્તુત વાર્તા સંગ્રહમાં કુલ વીસ રસાળ ટૂંકી વાર્તાઓ છે. બધી વાર્તાઓમાં મોટાભાગે માણસની ભાવટનું વર્ણન છે. જિંદગી જીવવા માનવી માત્રને કેવાં હવાતિયાં મારવાં પડે છે, એ બતાવવા પ્રયત્ન કર્યો છે. દરેક વાર્તાનો વિષય અલગ છે, વાર્તાનાં પાત્રો પણ અલગ અલગ પાઠ ભજવે છે, પણ આ બધાંને જિંદગીની ભાગદોડ છે. દાડા ટૂંકા કરવાના વ્યર્થ પ્રયાસ માત્ર છે. એ પછી ‘આખરી રાત’ના ભીખાભાઇ હોય કે ‘ઉડાઉ દીકરો’નો મયંક હોય. ‘નિ:શબ્દ’ના નીરવે નિસ્વાર્થ એની મિત્રનું શિયળ લુંટાતું બચાવ્યું, અને એને શું મળ્યું? મુસાફરોથી ભરચક બસમાં બેજીવી સ્ત્રીને બેસવાની જગ્યા આપવા બદલ ‘ઉપહાર’ના નાયકના કેવા હાલ થયા? ત્યારે બાળકો આપી ન શકવાને કારણે પતિએ મારીને કાઢી મૂકી છતાં રૂપલી દાતણવાળી એના પતિ પ્રત્યે કેટલી પરાયણ રહી? અને પોતાને ખૂબ સલામત માનતી ‘બોડીગાર્ડ’ની નાયિકા ચંદા કેટલી સલામત સાબિત થઇ? દોસ્તો, બધી વીસે વીસ વાર્તા વિષે અહીં કહેવું શક્ય નથી, જગ્યાના અભાવે, અને ખાસ રસભંગ થવાના ભયે. પણ કહેવાનું એટલું જ કે, આવા ખાટામીઠા રસ લઇને આવ્યો છે. આ વાર્તા સંગ્રહ સ્વીકારી આભારી થશો. આભાર