નાની ઉંમરે શબ્દોની સોબત વળગી... સંવેદનાઓ કાગળ પર અવતરતી રહી..
ક્યારેક દર્દ.. ખુશી..પ્રણય.. . ભયનાં સ્વણરૂપ વાર્તા ગઝલો, અને નવલકથા બની ગયાં... પાટણ યુનિથી સંસ્કૃત સાથે બી.એ કરતાં કરતાં સંસ્કૃતના શૃગારિક સાહિત્યએ લેખનની ભૂખ ભડકાવી.
ઉ.ગુજરાતના રખેવાળમાં વાર્તા નવલકથા વિસ્તરી, કિસ્મત અભિષેક, સ્ત્રીજીવન,ફૂરસદ જેવાં સામયિકોમાં શબ્દોની ફોરમ વાર્તા બની પ્રસરી.. શબ્દનો આત્માથી તંતુ તૂટ્યો નહોતો. ફરી ઓનલાઈન પોર્ટલ પર
સર્જનયાત્રા આરંભાઈ છે.. અને લીંક આત્મિક છે.. સોબત અતૂટ રહેશે...
સાબીરખાન પઠાન 'પ્રીત' રામપુરા પેટ્રોલપંપ સુરત.. મો. 9870063267
Email.sabirkhanp646@gmail.com
Book Summary
યાદો પ્રિયાની
પ્રિયાના પ્રાગટ્ય વેળાએ....
'કંઈક હશે સંધાણ એવું સમજાય છે
આંખ ડબડબે તારી ધોવાણ અહીં થાય છે....'
હું કવિતા કે ગઝલનો જીવ નથી. જોકે ઈશ્વરે પ્રત્યેક વ્યક્તિને લાગણીઓ એક સરખી આપી છે લાગણીની ફેક્ટરી એવા હૃદય સાથે જન્મ આપ્યો છે, સ્વાભાવિક છે અંકુર ફુટવાના. અભિવ્યક્તિમાં ઊંડાણ હોવાની અનુભૂતિ થાય ત્યારે સમજવું અહીં ભેજું નહિં પણ હૃદય વલોવાયું છે. આવા જ વલોવાટનો પ્રસાદ એટલે આ ગઝલ સંગ્રહ ‘યાદો પ્રિયાની.' પ્રેમ માણસને જીવવાનું ઝનૂન પૂરું પાડે છે તો એ જ પ્રેમ માણસને હતાશાની ઊંડી ખાઈમાં ધકેલી દે છે. કાંઠે આવીને ડૂબેલું વહાણ જીવનભર માટે ભીની યાદોનો પીટારો મૂકી જાય છે જેને મમળાવવાનું દર્દ શબ્દોનું આવરણ ધરી અભિવ્યકૃત થાય છે. પ્રેમ, ગુસ્સો, રુદન, બેબસી જેવી પરાસ્ત કરી દેનારી લાગણીઓનું મિશ્રણ એટલે 'યાદો પ્રિયાની.
ગઝલને કોઈ ચોક્કસ માળખામાં બાંધ્યા વિના લાગણીને વાચા આપી છે. હૃદયની અનુભૂતિના અદભુત અવસરની લહેર તમારા હૈયાને સ્પર્શી જાય તો નવાઈ નહિ. આપના અભિપ્રાયોનો આકાંક્ષી...
- સાબિરખાન પઠાણ
SABIRKHAN PATHAN
