'જત જણાવવાનું કે' કહીને સાથીને બધું જણાવ્યું છે. રસ્તાનું અંતર હોય કે હૃદયની નિકટતા, ના મળી શક્યનો ગમ હોય કે મિલનનો આનંદ, ભીડમાં એકલતા હોય કે એકલતામાં યાદોનો સાથ, ખામોશીમાં આંસુ હોય કે ખ્વાબનું હાસ્ય બધું જ શબ્દોમાં શબનમી મોતી માફક ઉડીને આંખે વળગે એટલું સુંદર લાગે છે. હૃદયના હાલ સાવ સરળ શબ્દોમાં આકાર લઈ રહ્યા છે. પા પા પગલી ભરતા બાળકના પગ જેમ લથડે એમ શરૂઆતની કવિતાઓ કદાચ તમને લયની બાબતમાં લથડતી હોય એવું લાગશે. પરંતુ ભાવ તમારા હૃદયને ચોક્કસ સ્પર્શ કરશે. જેમ જેમ આગળ વધતા જશો એમ એમ કવિતા પરિપક્વ થતી હોય એવું લાગશે. અહીં દર્શાવેલ ફરિયાદોમાંથી અમુક ફરિયાદ કદાચ તમારા દિલમાં પણ હોય. તમારી જ હોય એવું પણ લાગે.
- પટેલ કનુ 'રજ'.
Patel Kanu
