જીવન વીમા કોર્પોરેશનના નિવૃત્ત ડિવિઝનલ મેનેજર ,જૂની ફિલ્મો અને ગીતોના અનહદ શોખીન,રફી ,હેમંતકુમારના અવાજમાં પુરસ્કાર મેળવી ચૂકેલ ગાયક,જર્નાલિઝમ સર્ટિફિકેટ ધારક,વર્તમાનપત્રમાં અને સામાયિકોમાં ફિલ્મ સાહિત્ય વિશેના અને હાસ્યલેખનના લેખક અને હિન્દી ઉર્દુ શાયરી અને કાવ્યોના સંગ્રહ બહાર પાડી ચૂકેલા કવિ ....
Book Summary
મારી વિવિધ વિષયો પરની હાસ્યરચનાઓમાં વાચકને રસ પડશે જ, કારણ કે વિવિધ સ્થળો, વિવિધ વિષયો અને વિવિધ અનુભવો અનેક પ્રકારનું હાસ્ય સર્જન કરી શકે છે એ આ કથાઓ વાંચતાં પ્રતીત થશે. મારી માનીતી વાર્તાઓમાં ‘ચક્ષુ પટલ ગાથા’ આંખની હોસ્પિટલનું વાતાવરણ લાવે છે, તો ‘કસરતનો કાળો કેર’ સ્કૂલના પી ટી ટીચરને ,એન સી સી ના ઇન્સ્ટ્રક્ટરને તથા હાડવૈદને નજર સમક્ષ ખડા કરે છે.’કોરોનાનો કાળો કેર’ એ કોરોનાના કેદી અને દર્દીના ઘરનું વર્ણન કરીને ભયંકર દર્દને હાસ્યમાં પરિવર્તિત કરવાનો પ્રયત્ન કરે છે. ‘તુતીયાળો’ અને ‘ભુલકણાંઓની પ્રતિયોગિતા’ બે અલગ પ્રકારના લોકોની ખાસિયતોમાંથી થયેલા હાસ્યનું સર્જન છે. ‘ મિત્રોના સ્મરણની કથા’ મિત્રોની યાદો સાથે લઈને ફરતા એક રિટાયર્ડ વ્યક્તિની વર્ષો બાદની તપાસને અંતે રમૂજી પણ કરૂણ કથા સાબિત થાય છે કારણ કે કોરોનાએ મિત્રોને હડફેટે લીધા છે. જયારે ‘શાકમાર્કેટનું મનોરંજન’ એક શાકમાર્કેટનો દરેક કુટુંબને થતા વાસ્તવિક અનુભવની મનોરંજન કથા છે, જયારે ‘સોસાયટીનો સંસ્કૃતિક પોગ્રામ’ એ દરેક હાઉસિંગ સોસાયટીમાં રહેતા સભ્યોને થયેલા વાસ્તવિક અનુભવોની હાસ્યકથા છે. “કેશકર્તન કલાકારો” વિશેની રમૂજો મારી માનીતી રમૂજો છે.”નસકોરાં ની સફર” એક નવીન વિષય છે, જયારે કરાઓકે જેવા અદ્યતન વિષય પરની રમૂજો મારો ખુદનો અનુભવ છે. “મારા ચિત્ર વિચિત્ર મિત્રો” મારી વાસ્તવિક અને થોડે અંશે કાલ્પનિક સ્મરણકથા છે. જયારે મને કોરોના થયેલો ત્યારે પથારીમાં પડ્યાં પડ્યાં સ્ફૂરેલી કેટલાંક હાસ્યકાવ્યો છે.