અનેક અજાયબીઓથી ભરેલી આ દુનિયામાં રોજ-બરોજ ખૂન-ખરાબી, અપહરણ, માફિયાગીરી કે મર્ડર કેસોના અનેક કિસ્સાઓ આપણને ન્યુઝ પેપર કે સમાચારના અન્ય કોઈ માધ્યમો દ્વારા જાણવા મળતા હોય છે. દેશ વિકાસના પંથે આગળ વધી રહ્યો છે, ગુનેગારોને ઝડપથી પોતાના સંકજામાં લઇ શકે એવી અનેક નવી ટેકનોલોજીઓ દેશમાં વિકાસ પામી રહી છે, આ ટેકનોલોજી કે અન્ય કોઈ બાબતોથી ડર્યા વગર ઘણા બધા અસામાજિક તત્વો ગુનાની પ્રવૃત્તિ સતત કરતા રહે છે. દેશના ઘણા નાગરિકો આવી ગુનાખોર પ્રવૃત્તિઓના ભોગ બનતા હોય છે. હું ક્રાઈમની દુનિયાને આવરતી વાર્તાઓ આપ સૌ સમક્ષ આ પુસ્તકના માધ્યમથી મૂકી રહ્યો છું.