મિસરી ઓગાળેલી મીઠડી વાર્તાઓનો આ સંગ્રહ 'મીઠી ચકી અને તેની મીઠી વાર્તાઓ'ના નામે ખાટા મીઠા બોરની જેમ શબરીની શ્રદ્ધાથી આપ સૌ સમક્ષ મુકી રહી છું. આશા છે આપ સૌ વાચકમિત્રો અને તેમના બાળુડાઓને તેનો રસસ્વાદ ગમશે. ગમે તો ગમતાનો ગુલાલ કરી વહેંચજો. વાર્તાઓના પતાસા બાળકોને મીઠા જ લાગશે. વાર્તાઓની આ સ્વપ્ન દુનિયામાં આપ સૌનું ભાવભીનું સ્વાગત છે. આ સ્વપ્નસૃષ્ટિનાં ઉપવનમાં અનુભવાતી ભાવનાઓ રૂપી પારિજાતના પુષ્પોની સુગંધ લેવાનું ચૂકશો નહિ. મારાં બાળમિત્રોનાં ખિલખિલ હાસ્યથી વાર્તાઓની આ ફૂલવાડી મહેંકી ઉઠે અને મારી જેમ આપ સૌનું હૃદય પણ ભાવભીનું થાય તેવી અપેક્ષાસહ આપ સૌ વાચકમિત્રોનો ખુબ ખુબ આભાર અને મારાં બાળમિત્રોને ટોપલો ભરીને સ્નેહ.
varsha Dhankecha
