स्मृतीशेष मधुकर गराटे यांच्या ‘आयुष्यासाठी असंच काही बाही’ हा कवितासंग्रह त्यांच्या स्मृती शेषानंतर कुटुंबीयांच्या इच्छेनुरूप प्रकाशित
होतो आहे. याचा निश्चितच आनंद कुटुंबीयांना, तसेच सर्ववाचकांना आहे.
ते आज हयात नाहीत. त्यांनी आयुष्यभर साहित्य सेवाकार्यात मग्न राहून
साहित्यातून समाजसेवेचे व्रत स्वीकारले आहे, हे सर्वांना ज्ञात आहे.
कोरोना कालखंडानंतरही ते साहित्य कार्यात जीवनाच्या अखेरच्या
क्षणापर्यंत छंदिष्ट होऊन मग्न राहिलेत. कोरोना कालखंडातील
लॉकडाऊनच्या पहिल्या दिवसापासून म्हणजेच पंधरा मार्च दोन हजार वीस
ते चौदा मे दोन हजार वीस या एकसष्ट दिवसात दररोज एक कविता
या प्रमाणे त्यांनी फेसबुक माध्यमातून सदर चालविलेले आहे. त्यांनी रोज
लिहिलेली ही कविता व अन्य निवडक चार जीवनविषयक दृष्टिकोन
मांडणाऱ्या कवितांचा समावेश प्रस्तुत संग्रहात केलेला आहे. एकूण पासष्ट
कवितांचा हा संग्रह ‘आयुष्यासाठी असंच काही बाही’ या नावानेसमोर येतो
आहे.
निवृत्तीनंतर आपल्या साहित्यात रमताना प्रस्तुत पासष्ट कवितांचा
संग्रह ज्ञात व अज्ञात कोरोना योद्ध्यांना त्यांनी अर्पण केला आहे.