प्रदीप जोशी, सेवानिवृत्त पर्यवेक्षक, जेष्ठ पत्रकार
ब्लॉग लेखक, लेखक कवी
Book Summary
मला नवनवीन पुस्तके वाचण्याचा छंद आहे. पुस्तक वाचण्यातून मनाला एक प्रकारची शांतता मिळत असते. दिवस भराच्या दगदगीत आपल्या मनावर प्रचंड ताण आलेला असतो. मानसिक थकवा आलेला असतो. मन तणावाखाली गेलेले असते. अशावेळी पुस्तक आपणास दिलासा देते. दुःख विसरायला लावते ते खरे साहित्य असे मी मानतो. आजकाल पुस्तक वाचनाच्या पद्धती बदललेल्या आहेत. गेल्या काही दशकांचा विचार केला तर लिहणारांची संख्या प्रचंड वाढलेली आपणास पाहवयास मिळते. ऑनलाईन व छपाई माध्यमातून अनेक पुस्तके रोज उपलब्ध होत आहेत. कोणते पुस्तक वाचावे ही वाचकांची खरी तर समस्या आहे. प्रत्येक पुस्तकाचे अंतरंग वाचकांना माहित असेलच असे नाही. त्यासाठी मी केलेला हा छोटासा प्रयत्न. माझ्याकडे पुस्तकांचा मोठा संग्रह आहे. त्यातील 25 पुस्तकांची माहिती मी पहिल्या भागात देण्याचा प्रयत्न केला आहे. दुसऱ्या भागात तीस पुस्तकांचा परिचय करून दिला आहे. त्या पुस्तकात नेमके काय आहे हे सांगण्याचा प्रयत्न केला आहे. प्रत्येक पुस्तकाची चांगली बाजूच देण्याचा प्रयत्न केला आहे. पुस्तकाची माहिती वाचून वाचक त्याकडे अधिकाधीक आकर्षित होतील असा मला विश्वास आहे. यामध्ये कथा संग्रह, कविता संग्रह, अनुवादीत पुस्तके आदींचा समावेश आहे.
प्रदीप जोशी
