डांगच्या लोकगीतांचे विविध प्रकार पाहताना त्यामध्ये विवाहाशी संबंधित लोकगीते, त्याच्यातही मांगणा गीते, देव्हारा गीते, मांडव घालण्याविषयी गीते, देऊक गीते, मांडव सूतविण्याविषयी गीते, हळदीची गीते, तेलवणाची गीते, वऱ्हाड गीते, मूळ करण्याची गीते, हळद-कुंकू-काजळी-खोबरे-खारीक-नारळ-गुलाल-शेंदूर-सुपारी इत्यादीविषयी गीते, पंच-पाटील-कारभारी-बाया इत्यादीविषयी गीते, कौटुंबिक गीते, सासरविषयक गीते, मुलीला दूर दिल्याबद्दल खंत व्यक्त करणारी गीते, रामायण-महाभारतावर आधारित गीते, देवी देवतांची गीते, स्थानिक देवी-देवतांची गीते, डोंगरविषयक गीते, शेतीविषयी गीते, डांगी आदिवासी अस्मितेविषयी गीते, अलंकार गीते, विठ्ठल-जनी संदर्भातील गीते, सण गीते, नवस गीते, प्रश्नोत्तरी गीते, नवी वळणाची गीते, तुळशी गीत, गर्भाच्या वाढी संबंधित गीत इत्यादी स्त्रीगीत प्रकारांना स्पर्श केला आहे. तर पुरुषांच्या लोकगीतांमध्ये डोंगऱ्या देवाची गीते, होळी गीते आणि ढिंडवाळी गीते यांचा सविस्तर अभ्यास केला आहे. - डॉ. गिरीष गायकवाड