જીવન વીમા કોર્પોરેશનના નિવૃત્ત ડિવિઝનલ મેનેજર ,જૂની ફિલ્મો અને ગીતોના અનહદ શોખીન,રફી ,હેમંતકુમારના અવાજમાં પુરસ્કાર મેળવી ચૂકેલ ગાયક,જર્નાલિઝમ સર્ટિફિકેટ ધારક,વર્તમાનપત્રમાં અને સામાયિકોમાં ફિલ્મ સાહિત્ય વિશેના અને હાસ્યલેખનના લેખક અને હિન્દી ઉર્દુ શાયરી અને કાવ્યોના સંગ્રહ બહાર પાડી ચૂકેલા કવિ ....
Book Summary
આ પુસ્તક લખવાનો એક માત્ર ઉદ્દેશ્ય એ છે કે આપણે એવી સંગીતજ્ઞ હસ્તીઓને યાદ કરીએ કે જેઓ કેટલાંક એવા સંગીતકારો પણ હતા કે સ્વતંત્ર ભારતના ઉદય પહેલાં ફિલ્મ લાઈનમાં આવ્યા હતા, જેઓએ શરૂઆતમાં ખૂબ સંઘર્ષ કર્યો હતો, કોઈ મિત્ર કે સગા સંબંધીની સાથે વતન છોડીને મુંબઈ એક મોટું સ્વપ્ન લઈને આવ્યા હતા. કોઈ સગા કે મિત્રની ભલામણથી કે ભલામણ ચિઠ્ઠી લઈને મોટા ગજાના નિર્માતા, નિર્દેશક કે સંગીતકારને મળેલા. પછી સામાન્ય સાજિંદા કે સહાયક બનીને કોઈ મોટા સંગીતકારની સાથે કામ કરેલું, સામાન્ય પગારની નોકરી કરેલી. કેટલાકે તો નિઃશુલ્ક સેવા કરેલી. કેટલાંક દેખાવમાં ચડિયાતા સંગીતકારો ફિલ્મના હીરો બનવાની અપેક્ષાએ આવેલા, તો કેટલાંક નામાંકિત ગાયક બને તેવાં સ્વપ્ન લઈને મુંબઈ આવેલા. આવા બધા સંગીતકારો પોતાની સંગીતવિદ્યાના જ્ઞાન અને આવડતના જોરે પોતાનું આગવી સ્થાન ફિલ્મ સંગીતમાં અને હિન્દી ફિલ્મ જગતમાં બનાવી શક્યા. આ સંગીતકારો સંપૂર્ણપણે નિષ્ઠાવાન અને પોતપોતાની આગવી પદ્ધતિ ધરાવતા હતા.