ભજન/ગરબા.

બહુનામી શિવ

14

બહુનામી શિવ
તા. ૧૦.૪.૮૯-
ઢાળ-રાગ આશાવરી જેવો.
સાખીઓ..કર ત્રિશૂલ શશી શીશ, ગલ મુંડન કી માલા .
કંઠ હલાહલ વિષ ભરા, બૈઠે જાકે હિમાલા...
ત્રિ નેત્ર સર્પ કંઠ, ત્રિપુંડ ભાલ સોહાય .
સંગ ગિરિજા જટા ગંગ, સબ જગ લાગે પાય...

શિવ શંકર સુખકારી ભોલે...
મહાદેવ સોમેશ્વર શંભુ, વિશ્વેશ્વર વિષ ધારી...ભોલે..

ગિરિ કૈલાસે ગિરિજા કે સંગ, શોભે શિવ ત્રિપુરારિ
ડમ ડમ ડમ ડમ ડમરુ બાજે, ભૂત પિશાચસે યારી...ભોલે..

ગંગા ગહેના શિર પર પહેના, ભુજંગ ભૂષણ ભારી
બાંકો સોહે સોમ શૂલપાણિ, ભસ્મ લગાવત સારી...ભોલે...

વાઘાંબર કા જામા પહેના, લોચન ભાલ લગારી
વૃષભ વાહન વિશ્વનાથકા, ભૂમિ સ્મશાન વિહારી...ભોલે...

મુખ મંડલ તેરો મન લલચાવે, છબ લાગતહે ન્યારી
મૃત્યુંજય પ્રભુ મુજે બનાદો, બેઠેજો મૃગચર્મ ધારી...ભોલે....

ચરન ધુલકા પ્યાસા પિનાક મે, ભૂતેશ ભક્ત હિતકારી
દાસ "કેદાર" કેદારનાથ તું, બૈજનાથ બલિહારી.....ભોલે...

ભાવાર્થ:-સાખી=૧, હાથમાં ત્રિશૂલ ધારણ કર્યું છે, શિર પર ચંદ્ર ધર્યો છે, ગળામાં મૂંડકાની માળા પધરાવી છે, કંઠમાં હળા હળ વિષ ધરીને કૈલાસમાં બિરાજમાન છે દેવાધીદેવ મહાદેવ.
૨, ત્રણ નેત્ર છે, ગરદનમાં સર્પ ધારણ કર્યા છે, લલાટમાં ત્રિપુંડ શોભાયમાન છે, અર્ધાંગના માતા ગિરિજા બાજુમાં બિરાજમાન છે, જટાની અંદર ગંગા મૈયા શોભાયમાન છે, આવા અલૌકિક સૌંદર્ય ધરાવતા મહાદેવને સકળ વિશ્વ વંદન કરે છે.
મહાદેવના અનેક નામો માંહેના ૧૬ નામોનો આ ભજનમાં સમાવેશ કરવામાં આવ્યો છે.
અનેક મુલાકાતો અને મારી રચનાઓ ને પરખ્યા બાદ જ્યારે આ રચનાને બ્રહ્મ લીન નારાયણ બાપુએ કંઠ આપ્યો ત્યારે મારા જીવનનો એ રચનાકારની દનિયામાં સાચા અર્થમાં પ્રવેશ હતો. (Turning point) ત્યાર બાદ તો અનેક નાના-મોટા કલાકારોએ ભજનના કાર્યક્રમો-ડાયરા તેમજ ટી વી અને રેડીઓ દ્વારા પણ આ રચના રજૂ કરી અને કરતા રહે છે, એમાં મારા વડીલ-મિત્ર-ગુરુ બ્રહ્મ લીન કવિ "દાદ"ના આશીર્વાદ એટલાજ કારણભૂત છે, હું એમનો એટલો સદા આભારી છું.

રચયિતા:-
કેદારસિંહજી મે. જાડેજા "દીન"
"દીન વાણી" ગ્રૂપ, ગાંધીધામ
૯૪૨૬૧૪૦૩૬૫
kedarsinhjim@gmail.com
kedarsinhjim.blogspot.com.

કેદારસિંહજી જાડેજા