128સવાલ રંગીન જવાબ સંગીન અનંત પટેલ
૧. છોટુભાઇ- મારે ગુરુ બનાવવા છે, તમે મને શિષ્ય બનાવશો ??
જવાબ- હજી મેં કોઇને શિષ્ય બનાવવાનું શરૂ કર્યુ જ નથી, હકીકતમાં હું પણ કોઇ સદગુરુની શોધમાં છું.
૨. લવજી- ગામડામાં રહેતા દરેક વ્યક્તિને આજે શહેરમાં જ આવવું હોય છે , આવું કેમ બન્યુ હશે ??
જવાબ- આવું આપણને આઝાદી મળી તે પછીથી શરૂ થયેલ છે, જો કે હવે ગામડાં મોટા શહેરનાં " બચ્ચાં " જેવાં બની રહ્યાં છે એટલે મને તો એમનું ભવિષ્ય પણ ઉજળુ દેખાય છે.
૩.રમીલાબેન- લોકોને કોઇની ચાડી ચૂગલી કરવામાં શું મઝા આવતી હશે ?
જવાબ- એ બધા વિઘ્નસંતોષી કહેવાય...એવાથી દૂર રહેવામાં જ ખરી મઝા.
૪. જયાબેન- " પરણ્યા એટલે પ્યારા લાડી " સાચું કે " પરણ્યા એટલે પતી ગયા " સાચું ??
જવાબ- બન્ને સાચાં ...
૫.મોતીલાલ- મોટાભાગનાં જોવાલાયક સ્થળો પર ગુજરાતી સહેલાણીઓ જ કેમ જોવા મળે છે ??
જવાબ- ગુજરાતીઓ ખાવાના (પીવાના નહિ ) અને હરવા ફરવાના શોખીન છે માટે..
૬. દયાશંકર- છોકરાની જાન પરણવા જાય છે એના બદલે છોકરીની જાન આવે એવું ન કરી શકાય ??
જવાબ- તમારે ઉંમર લાયક છોકરી હોય તો એને જાન લઇને પરણવા બોલાવે એવો મૂરતિયો શોધી કાઢો ને કરો કંકુના
૭.માધુરી- કોઇપણ સ્ત્રીની પ્રશંસા ક્યારે કરી શકાય ??
જવાબ - મને તો સ્ત્રીની પ્રશંસા માત્ર માતાના રૂપમા કરવાનું જ ગમે.
00000
(વાચકો તેમના આવા પ્રશ્નો મોકલી શકે છે. તેમનું નામ, ગામ કે શહેરનું નામ, મોબાઇલ નંબર અવશ્ય દર્શાવવો. સરસ પ્રશ્નો વાચકના નામ સાથે પ્રગટ કરવામાં આવશે. ઇમેઇલ- anantpatel135@yahoo.com )
00000
Anant Patel
